Posted by
1000$
In:
تهييس,
ليه مش بتمسك ايدي
ليه مش بتمسك ايدي
صحاب
"أنت ليه مش بتمسك إيدي وإحنا ماشيين في الشارع؟""لأ بلاش...افرضي حد من قرايبك شافنا؟ والا حد من أصحاب أخوكي في الكلية؟ إنشاء الله يا حبيبتي بكره نتخطب وامسك إيديكي ادام الدنيا كلها".
مخطوبين
"أنت ليه مش بتمسك إيدي وإحنا ماشيين في الشارع؟"علشان مش عاوز حد يفتكر إننا علشان اتخطبنا هنصيع بقى ونعيش حياتنا...وبعدين بصراحة كده أنا مستحرم...إن شاء الله بكره نتجوز وامسك إيدك وإنتي مراتي حبيبتي في الحلال".
متجوزين
"أنت ليه مش بتمسك إيدي وإحنا ماشيين في الشارع؟""يا حبيبتي إحنا مش مراهقين بقى هنمسك إيد بعض في الشارع وكده...إحنا اتنين متجوزين ومحترمين عندنا بيت نعمل فيه اللي عاوزين نعمله".
متجوزين وعندهم ولاد
"أنت ليه مش بتمسك إيدي وإحنا ماشيين في الشارع؟""يعني امسك إيدك والا امسك إيد البنت والا اشيل الأكياس دي كلها؟!"
بعد 25 سنة زواج
"أنت ليه مش بتمسك إيدي وإحنا ماشيين في الشارع؟""إيدك إيه بس اللي هامسكها دلوقتي! إنتي عاوزه جوز بنتك يقول علينا كبرنا وخرفنا؟!"
الاشتراك في:
تعليقات الرسالة (Atom)
0 اجدع ناس:
إرسال تعليق